ՎՍՀ-ում Հայաստանի Հանրապետության դեսպան Վահրամ Կաժոյանի և ՎՍՀ Ազգային ժողովի արտաքին հարաբերությունների կոմիտեի փոխնախագահ, Վիետնամ-Հայաստան խորհրդարանական բարեկամության խմբի նախագահ Նգույեն Ման Տյենի միջև հանդիպում

28 սեպտեմբերի, 2020

Վիետնամում ՀՀ դեսպան Վահրամ Կաժոյանի հանդիպումը ՎՍՀ Ազգային ժողովի արտաքին հարաբերությունների կոմիտեի փոխնախագահ, Վիետնամ-Հայաստան խորհրդարանական բարեկամության խմբի նախագահ Նգույեն Ման Տյենի հետ

Սեպտեմբերի 28-ին Վիետնամում ՀՀ դեսպան Վահրամ Կաժոյանը հանդիպեց ՎՍՀ Ազգային ժողովի արտաքին հարաբերությունների հանձնաժողովի փոխնախագահ, Վիետնամ-Հայաստան խորհրդարանական բարեկամության խմբի նախագահ Նգույեն Ման Տյենի հետ:

Դեսպան Կաժոյանը մանրամասն փաստեր ներկայացրեց ս․թ․ սեպտեմբերի 27-ից սկսած Ադրբեջանի կողմից սանձազերծված լայնածավալ ռազմական գործողությունների, ինչպես նաև հայկական կողմի պատասխան գործողությունների մասին:

Զրուցակիցը նշեց, որ Վիետնամն աջակցում է հայ ժողովրդին՝ իր անկախության և ինքնիշխանության պաշտպանության գործում, ինչպես նաև տարածաշրջանում խաղաղության վերհաստատման Հայաստանի և միջազգային հանրության ջանքերին։ Առանձնակի կարևորվեց ԼՂՀ բնակչության խաղաղ և անվտանգ ապրելու անվերապահ իրավունքը։

Դեսպան Կաժոյանը պարոն Տյենին փոխանցեց ՀՀ ԱԺ նախագահի տեղակալ, Հայաստան-Վիետնամ խորհրդարանական բարեկամության խմբի նախագահ Վահե Էնֆիաջյանի նամակն, ինչպես նաև ՀՀ ԱԳՆ համապատասխան հայտարարությունները։

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր